Obradoiro de Iniciativas Emprendedoras

TRABALLANDO COA PELÍCULA "PISANDO FORTE" (Kinky Boots)

2012-01-22T04:28:00.000-08:00

Despois de ter visto a película Pisando Forte (Kinky Boots), británica, do ano 2005 e dirixida por Julian Jarrold, ides respostar unhas cuestións.

Cada quen que resposte as súas preguntas:

AINHOA: Cales son as metas profesionais de Charlie ao comezo da película? Por que non quere continuar co negocio do seu pai?

ALEXIS: Fíxate nas dúas escenas nas que Charlie se dirixe aos seus empregados. Que barreiras obstaculizan o correcto desenvolvemento da comunicación en ambas escenas? Resulta Charlie convincente, por que?

DAVID: Como descubre Charlie que a empresa vai mal? Por que a fábrica de zapatos "Price & Sons" xa non é rentable?

IAGO O.:Charlie vese obrigado a despedir a varios dos seus empregados. Comenta a linguaxe non verbal que acompaña a situación e comenta o seu significao. Que transmite o protagonista? Como reaccionan os diferentes empregados afectados tras coñecer a noticia do despido?

IVÁN: Que solución atopa o protagonista par evitar o peche temporal da empresa? Cres que foi unha boa idea (contesta imaxinando que non sabes como remata a película)?

JESSICA P.: Cal foi o oco de mercado que descubriu Charlie para manter a empresa a flote? Como consegue transmitir a necesidade de deixar de fabricar os zapatos de sempre a todo o persoal?

JESSICA R.: Cando o protagonista atopa ese oco de mercado, dase conta inmediatamente de que é un filón comercial? Como se vai perfilando, pouco a pouco o produto e grazas a quen?

JESSICA S.: Que aspectos da investigación de mercados se reflexan na película? A que fontes de información recurre Charlie Price: primarias ou secundarias?

JOEL: Quen son os clientes potenciais das súas botas? Explica como evoluciona a personalidade de cada un dos seguintes personaxes ao longo da película: Charlie Price, fillo; Lola; Don, o traballador que reta a Lola

LAURA: Describe o produto antigo e o novo de Price & Sons, distinguindo para cada un: materiais de confección, as utilidades e ventaxas que proporciona ao cliente, deseño, calidade (cal é a clave da resistencia), innovación ou diferenciación con resto dos produtos.

NATALIE: Imaxina outros aspectos importantes do produto que non aparecen na película: como farías a embalaxe das novas botas? Como cres que evolucionará o produto: que posibilidades ten de perfeccionamento e de durar no mercado?

VALENTÍN: Todo o mundo creu cegamente no proxecto de Charlie? Por que? Sentiuse sempre Charlie un empresario do mundo do calzado, cando mudou, se é que o fixo e por que?

VIVIAN: É Charlie o primeiro en comercializar botas para drag-queens? Que forma de comunicación emprega Charlie para lanzar o seu produto ao mercado?

YAGO F.:Que imaxe de marca pretende dar? Que é o que o vai diferenciar do resto de produtos semellantes?

PROXECTO PARA A CREACIÓN DA NOSA EMPRESA

2012-01-09T12:07:00.000-08:00

PROXECTO DE CREACIÓN DE EMPRESA (2ª avaliación)

1. CREAR LISTADO DE POSIBLES INICIATIVAS EMPRESARIAIS (mínimo 5)

2. A ACTIVIDADE DA EMPRESA (presentación e datos básicos da empresa)

   2.1 Descrición do negocio.
   2.2 Descrición do produto ou servizo, incluíndo a innovación ou mellora que aporta. Para isto hai que respostar a estas tres cuestións:

- que diferencia este negocio doutros parecidos?
- motivos polos que se cre que terá aceptación
- o nicho de mercado que cubre a idea, é dicir, a demanda á que dará resposta

    2.3 As perspectivas xerais do sector no que se enmarca a nosa iniciativa emprendedora (é un sector xa maduro ou con perspectivas de crecemento?)
    2.4 Descrición básica das características técnicas, incluíndo as innovacións, melloras e elementos diferenciadores da competencia que incorpora a nosa idea.
    2.5 Nome da empresa.
    2.6 Obxectivos da empresa a medio e longo prazo.

3. VIABILIDADE TÉCNICA E RECURSOS MATERIAIS

Dependendo de si a vosa empresa produce un ben ou un servizo respostade ás cuestións correspondentes.

*Se producen BENS:
a. Onde e en que condicións se compran as materias primas: búsqueda e selección de proveedores
b. Que tecnoloxía, ferramentas e maquinaria se precisa, onde e en que condicións se compran
c. En que consiste o proceso produtivo: descrición secuenciada do mesmo e do uso das materias primas e da maquinaria.
d. Onde se realizará o proceso produtivo.
e. Onde e como se almacenará o produto terminado.
f. Como se transporta ata o cliente final.
g. Especificar se se empregará algún elemento innovador nalgún dos puntos anteriores
*Se producen SERVIZOS:
a. Analizar as necesidades do mercado e asegurarse de ter atopado un nicho de mercado (unha necesidade non cuberta ou insuficientemene cuberta por outras empresas); preguntarse por que non satisface o mercado esa necesidade.
b. Describir detalladamente o servizo e o seu proceso de realización.
c. Ver que material, texnoloxía, ferramentas ou maquinaria se necesitan, onde e en que condicións se poden comprar.
d. Describir como se fará chegar o servizo ao consumidor: os traballadores desprazaranse ata o lugar onde se atope o cliente ou será este quen acuda ao local da empresa ou se contemplarán ambas situacións. Estudo das características do local e descrición das súas instalacións.
e. Especificar se imos a empregar algún elemento innovador nalgún dos puntos anteriores ou se a empresa terá un espíritu propio que a diferencie do resto.

4. INVESTIGACIÓN DO MERCADO

Para facer unha investigación de mercado debemos analizar diferentes cuestións:
CLIENTELA: para identificar a clientela potencial debemos investigar sobre:
a. Quen vai consumir os nosos servizos ou produtos, é dicir, a que segmento da poboación imos dirixirnos:
    * idade
    * estado civil
    * tamaño da residencia
    * clase social
    * nivel de estudos
    * sexo
    * lugar de residencia
    * nivel de ingresos ou capacidade adquisitiva
    * profesión
    * nivel de consumo
b. Quen decide a compra? (poden ser produtos para menores de idade pero que compren pais, poden ser para homes pero que compren mulleres...)
c. Frecuencia da compra
d. Cales son as necesidades, demanda e expectativas do cliente?
e. Toda a clientela é igual ou agrúpanse segundo unhas características. Se é asi, como é cada un deses grupos?, por que e para que compra cada grupo?
f. Canto cres que o cliente está disposto a pagar polo produto ou servizo?
g. Consúme igual durante todo o ano ou é estacional?
h. Cal será a evolución do produto: o consumo manterase, crecerá ou diminuirá?
i. Lugar de compra: que valoran para comprar o produto nun lugar ou noutro? Cambian con frecuencia de establecemento?

PRODUTO:
a. Están ben definidos os produtos ou servizos, as súas características, necesidades que cubren, melloras que aportan, etc?
b. Que é o que máis valoran os clientes potenciais?

COMPETENCIA:
a. Quen son os meus principais competidores?, son grandes ou pequenas empresas?, cal é a súa cuota de mercado?, canto tempo levan no mercado?
b. Quen son os seus principais clientes?
c. Que características particulares destacan nos produtos da competencia: a súa calidade, a súa utilidade, a súa elegancia, a súa imaxen de marca...? que aportan aos seus clientes?
d. Que razóns principais inducen aos clientes a comprar os produtos da competencia?, que imaxe ten da competencia teñen da competencia os usuarios?
e. Que políticas de prezos segue a competencia? Que cóndicións conceden: rebaixa, descontos "2x1", bonificacións, promocións, garantías...?
f. Que almacéns de distribución, oficinas de venta, puntos de asistencia ao client ten a competencia?
g. Que puntos débiles mostra a competencia en relación coa calidade dos produtos, prazos de entrega, asistencia...?
h. Sabes se a competencia ten pensado expandirse, ir ao estranxeiro, venta por internet...? Que cres que farán cando apareza a vosa empresa?

PRODUTOS SUSTITUTIVOS:
a. Que outros produtos ou servizos atenden a mesma necesidade que o noso futuro produto ou servizo?
b. Que ventaxas ou inconvintes teñen?
c. Que posibilidades existen de que xurdan novas empresas que ofrezan algo semellante?

PROVEEDORES:
a. Quen poden ser os meus proveedores? Busca en internet empresas que vendan os produtos que necesita a túa empresa para funcionar.
b. A calidade das nosas compras influirá no produto ou servizo final? moito ou pouco?
c. Venden tamén aos nosos competidores?
d. Que condicións de pago soen pedir? Ten importancia neste negocio realizar un volume de pedidos considerable para obter descontos a cambio?

5. UBICACIÓN DO NEGOCIO
a. Onde se ubicará a empresa, para iso debes insertar un mapa do lugar e insertar a ubicación da empresa.
b. Por que se elixe esa localización.
c. Se hai máis de unha ubicación sinalala todas (incluso nun futuro próximo, explicando sempre a elección)
d. Elaborade a maqueta do voso local físico, ten que coincidir coa descrición que déchedes anteriormente.

6. PLAN DE MARKETING
O plan de marketing recolle as estratexias e accións que a empresa aplicará para darse a coñecer e atraer a atención dos seus clientes potenciais.

Aquí tedes un exemplo dos obxectivos dun empresa a medio prazo (3 a 5 anos). Os obxectivos sempre deben ser claros e concretos.
Exemplo: * ventaxas competitivas:
- o noso obxectivo será a diferenciación polos prezos, sensiblemente inferiores aos da competencia. Esto será posible porque importaremos a materia prima directamente dende China e en grandes cantidades, que nos proporcionará importantes descontos.
- O noso obxectivo será a diferenciación pola novidade do produto, poñeremos á venda un produto novo no mercado e que cobre unha necesidade, que ninguén satisface, polo momento.
- O obxectivo desta empresa será a diferenciación pola distribución, seremos os primeiros en comercializar este produto por Internet.

* A innovación: crearemos novas necesidades (móbiles con cámara fotográfica), innovaremos en procesos produtivos, etc.
* A imaxe corporativa: o noso obxectivo será ofrecer un servizo rápido: " Atención en 24 horas", donde, ademais, destacaremos por un trato exquisito ao cliente, ao que chamaremos á semana seguinte para ver se está satisfeito coa nosa asistencia.
* A cifra de negocios: penetrar en novos mercados en catro anos, aumentar as cifras de facturación nun 20% en 2 anos. Como se pode penetrar en novos mercados? Exemplos reais:
- Tradicionalmente, o donut era un produto para nenos, ata que a empresa comezou a comercializalos nas cafeterías e a realizar anuncios dirixidos aos maiores.
- O cava consúmese especialmente no Nadal, xa que o seu consumo está moi vinculado a esas festas e a grandes celebracións. As empresas produtoras de cava tratan de incrementar as súas vendas e, para facelo, queren transmitir aos consumidores a idea de que tamén é unha bebida adecuada para tomar unha copa ou acompañar unha comida, igual que o viño.
- Algunhas compañías de servizos que suministran luz ou gas comezaron a ofrecer outros servizos complementarios aos seus clientes: instalación de calefacción, aire acondicionado, atención ao cliente, servizo urxencias, tarxetas financeiras de cliente....

DESCRIBIR O PRODUTO DE CADA UN:
- Aspectos básicos: composición, materiais, utilidade, características fundamentais, ventaxas que o cliente pode ver nel.
- Diseño, envase, embalaxe, calidade e nome da marca. (Aquí hai que presentar o diseño do produto se é diferente aos dos outros produtores, tamén hai que ver como será o envase no que se presente e a embalaxe do mesmo. A etiquete, o nome da marca)
- Servizos relacionados co produto ou servizo: servizo posventa, garantía, asistencia técnica, instalación, entrega a domicilio, mantemento, financiación, formación para o usuario...
- Perspectiva evolutiva: adaptabilidade, posibilidades de perfeccionamento, lonxevidade potencial.
- Canto custará producilo.

PREZO:
- Detalla o prezo de todos os teus produtos ou servizos e explica como os fixaches. Indica estratexia que vas seguir
Obxerva este cadro sobre estratexias de prezos:

Desconto por pronto pago

View more documents from Iolanda .

DISTRIBUCIÓN:
Identifica as canles de distribución que existen para o teu produto e estudia o seu funcionamento. Despois decide se o produto se distribuirá directamente pola empresa ou recurrirás a distribuidores.

COMUNICACIÓN:

Estudar como se vai presentar o produto ao cliente:
- Será unha venda persoal? Se é así como serán os dependientes (aspecto físico, idade, vestuario)
- Venda por internet: TODOS debedes ter páxina web da vosa empresa, para iso tedes que diseñar unha (pode ser unha captura de pantalla arranxando o que precisedes). Como venderedes por Internet?
- Publicidade: *que tipo de publicidade do voso produto ides facer e que periodicidade terá.
                       *elaborade un folleto publicitario (para publicar en prensa ou para buzoneo)
                       * creade un anuncio do voso produto para TV, cando o teñades debedes subilo a Youtube
                          para que xere un código que permita insertalo no blog (se tedes varios produtos que vos
                          interese promocionar podedes facer máis dun anuncio)
- Investigade canto custa publicar un anuncio na prensa e na televisión.

7. XESTIÓN DA EMPRESA E RECURSOS HUMANOS

A EMPRESA

- PROPIEDADE: hai un único propietario, é unha sociedade (neste caso dicir de que tipo) ou é unha cooperativa. [adxúntase cadro explicativo].
- Papel e cada propietario dentro da empresa (que actividades vai desempeñar, se é que fai algunha, pode aportar unicamente capital)
- Capital inicial aportado, créditos solicitados (onde, a que interés, durante canto tempo)
- Documentación necesaria para o inicio de actividade.
- Quen será o encargado da administración diaria (papeleo), que impostos debe pagar a empresa e cada canto, e a que entidade estatal (concello, Xunta, Estado...)
- Outros gastos administrativos: seguros, leasing, mantemento...
- Nome da empresa e logotipo (explicando o que significa, incluídas as cores : para iso tedes este enlace onde se explica a simboloxía das cores:

CREAR IDEAS

2012-01-09T11:18:00.000-08:00

Existen varias técnicas para estimular a creación de ideas. Algunhas delas son:

TORMENTA DE IDEAS OU BRAINSTORMING

PENSAMENTO LATERAL:

Pensade a solución destas cuestións:

1. Sobre unha mesa había unha cesta con seis mazás e seis rapazas na habitación. Cada rapaza colleu unha mazá e aínda así quedou unha na cesta, como foi posible?

2. Como é posible pinchar un globo sen permitir que escape o aire e sen que o globo faga ruído?

3. A un señor que ía sen paraugas nen sombreiro pillouno un chaparrón; empapouselle a roupa, e aínda que levaba a cabeza descoberta non mollou nin un pelo, como foi posible?

4. Algúns meses teñen 31 días, outros 30. Cantos teñen 28?

5. Un malabarista tña unha taza de te chea de todo, mantendo a copa sobre a súa cabeza, deixouna caer ao chan, rompéndose en moitos anaquiños pero sen derramar unha simple gota de te? Como o fixo?

6. Se cavas un burato de 2 metros de ancho, por tres metros de largo e 4 metros de profundidade, canta terra hai no burato?

7. Antonio tiña 20 anos de idade no ano 1980 e cumpriu 15 anos en 1985, como?

8. Unha señora entra nunha cafetería e pide un café con leite. Xusto cando o achega aos beizos descobre un mosquito flotando. Pide outro café e ao probar de novo descobre que é o mesmo de antes. Como é posible?

9. O can mira á esquerda, fai que mire para a dereita cambiando só a posición de dous pauciños. O rabo debe permanecer alzado

HABILIDADES DE DIRECCIÓN

2012-01-09T10:44:00.000-08:00

CURSO ACELERADO DE RELACIÓNS HUMANAS

Las 6 palabras más importantes: ADMITO QUE HE COMETIDO UN ERROR
Las 5 palabras más importantes: HAS HECHO UN BUEN TRABAJO
Las 4 palabras más importantes: ¿CUÁL ES TU OPINIÓN?
Las 3 palabras más importantes: ¿PODRÍAS, POR FAVOR...?
Las 2 palabras más importantes: MUCHAS GRACIAS
La palabra más importante: NOSOTROS
La palabra menos importante: YO

O REFUXIO SUBTERRÁNEO

Imaxinade que a nosa vila está ameazada por un bombardeo. Aproxímase un home o pídevos unha decisión inmediata. Hai un refuxio subterráneo que só pode acubillar a catro persoas. Hai oito que queren entrar nel. Estas son as características desas oito persoas. Elixe só catro. Unha vez que teñas feito a túa elección, en grupos de 4 deberedes decidir que catro persoas salvaríades.

* Un avogado de 25 anos
* A súa muller, de 24 anos. Ten esquizofrenia e non quere separarse del.
* Un violinista de 40 anos alcohólico.
* Un sacerdote de 75 anos.
* Unha universitaria que fala inglés.
* Un físico de 28 anos que acepta entrar no refuxo só se leva ao seu can.
* Unha rapaza de 12 anos con síndrome de Dawn.
* Un ateo de 20 anos autor de varios delitos.

COMEZA A PREPARACIÓN DO FESTIVAL DE NADAL 2011

2011-11-04T01:42:00.000-07:00

Comezan a rebulir as ideas para levar a cabo un orixinal e entretido festival de Nadal, sempre e cando sexan capaces de motivar aos seus compañeiros do IES para que se animen a participar nas diferentes actividades.

ÁNIMO! Que se recorde durante séculos este festival!

TRABALLO A PARTIR DA PELÍCULA WALL STREET

2011-10-05T08:45:00.000-07:00

RESPOSTAR ÁS SEGUINTES CUESTIÓNS

* 1.Cales son os principais escenarios onde ten lugar a película? En que país?

* 2. Por que cres que leva ese título?

* 3. Analiza, desde o punto de vista da ética empresarial estas dúas frases extraídas da película:" Los que corren mucho, caen pronto" (pronunciada polo xefe de Buddy en Jackson Steiner and Company) "Esta es la clave, señoras y señores: la ambición, a falta de una palabra mejor, es buena. La ambición es lo correcto; la ambición logra sus objetivos, la ambición clarifica, atraviesa dificultades y capta la esencia del espíritu evolucionista" (Gordon Gekko).

* 4. Que iniciativas emprendedoras levou a cabo Buddy? Que pretendía acadar? Cres que foron boas?

* 5. Nomea a iniciativa emprendedora que che pareceu máis intelixente pola súa parte e a que menos. Razoa a resposta.

* 6. Que iniciativas emprendedoras observaches en Gekko? Que finalidade persigue este home con ditas iniciativas?

* 7. En que apoiarías a Gekko e en que non?

* 8. Cres que no mundo dos negocios vale todo?

* 9. En que consiste o traballo de Buddy? Por que lle gusta tanto?

* 10. Por que desexa tanto traballar con Gekko? É feliz cando o consigue?

* 11. Que papel representa o pai de Buddy na película? E con respecto ao seu fillo?

* 12.  Un empresario con éxito (Gekko): nace ou faise? Como chegou el a ter tanto éxito? Como o ven os demais?

* 13. En EE.UU fracasar pero volver a intentalo varias veces valórase de forma positiva. Recoñécelle forza, empuxe, capacidade de superación. No noso país é ao revés. O que errou xa non é moi ben visto. Ti con cal dos puntos de vista te identificas?. Razoa a resposta e pon un exemplo.

TRABALLO DE INVESTIGACIÓN

* 14. Tipos de propiedade que se poden dar nunha empresa. Poñer un exemplo real de cada un.
* 15. Explica o que son as accións dunha empresa.
* 16. Que é a Bolsa de valores?
* 17. Nomea tres diferentes que existan no mundo
* 18. Por que se di que a Bolsa é un mercado de accións?
* 19. Cal é a definición de mercado?
* 20. Como se venden e se compran accións?
* 21. Elixe unha empresa actual que cotice na Bolsa, é dicir, que sexa unha sociedade anónima que teña accións en bolsa e:
        - Nome desa empresa.
        - País de orixe. É unha multinacional?
        - A que se adica?
        - En que Bolsa cotizan as súas accións? (Lugar físico onde está esa bolsa).
        - A como están hoxe as súas accións?
        - Durante 15 días segue a súa cotización e apunta o seu resultado, para iso faino nunha táboa.   Lémbrate de apuntar a hora en que tomas esa cotización. Logo consulta o xornal (do día anterior) e mira se coincide a cotización, xa que á hora do peche da bolsa tal vez subirá ou baixara.

        Ex.                         EMPRESA: CHUCHES DAROU S.A.
              _________________________________________________________________
                 Hora:        /            Subiu            /         Ao peche:          /    Subiu
                                 /            Baixou          /                                  /    Baixou
_______        _____/________________ /______________ __ /_ ___________________
Día:
________________________________________________________________________
Día
________________________________________________________________________

       - Perdiches ou gañaches neste tempo de ter tido accións desa empresa?

* 22. Que provoca que suba ou baixe o prezo das accións na Bolsa?

* 23.  Quen é o propietario dunha empresa: quen posúe accións dela ou quen traballa como director a cambio dun soldo?

* 24. Cal é a diferenza entre propietario e empresario?

* 25. Quen toma as decisións nunha S.A?. Explica en que momento da película se observa iso.

Título Original: Wall Street (1987)

Director: Oliver Stone

Guión: Stanley Weiser y Oliver Stone

Actores: Michael Douglas, Charlie Sheen, Daryl Hannah, Terence Stamp, Martin Sheen, Hal Holbrook, Sylvia Miles, Richard Dysart, Millie Perkins, Annie McEnroe, James Spader

IMOS POLAS IDEAS EMPRENDEDORAS

2011-10-03T11:53:00.001-07:00

Comezade a pensar en pequenos proxectos para levar a cabo no IES. Aquelas que podan mellorar a vida aquí.
Por parellas.
No voso blog escribides tres posibles ideas, intentade explicalas e engadide unha imaxe divertida que acompañe a cada unha. Non esquezades dicir como melloraría a estancia aquí.

Espero que sexades capaces de imaxinar grandes iniciativas emprendedoras. Ánimo.

A NOSA LECTURA

2011-09-29T11:23:00.000-07:00

Imos ler a novela GAME OVER de Santiago Lopo.Como traballaremos moito cos ordenadores, esta noveliña venos ben para iniciar o curso.

2011-09-18T11:20:00.001-07:00

Comezamos un novo curso. Espero que sexa aproveitable para todos nós. Ánimo emprendedor.